Рамирес Головкинмен айқасқа шығуға ниетті
АСТАНА. ҚазАқпарат - Мексикалық боксшы Хильберто Рамирес EsNews-ке берген сұхбатында қазақстандық Геннадий Головкинмен рингте кездескісі келетіндігін білдірді, деп жазады Sports.kz.
«Бұл мен үшін де, Головкин үшін де, тіпті барлық жанкүйерлер үшін де керемет айқас болар еді.
GGG - ғажап боксшы, мен оны өте жақсы білемін, Әрине, мен онымен жекпе-жекке шыққым келеді»,-дейді ол.
Хильберто Рамирес - 168 фунтта WBO нұсқасы бойынша әлем чемпионы.
Геннадий Головкиннің 160 фунтта өзін қызықтырған айқастардың бәрін өткізген соң осы салмаққа көтерілуі күтілуде.
