Рецессияға байланысты мұнай бағасы 3 пайызға арзандады
АММАН. ҚазАқпарат – Сәрсенбіде мұнай бағасы инвесторлардың әлемдік экономиканың әлсіреуіне, соның ішінде қаржы реттеушілерінің пайыздық мөлшерлемені көтеруіне және Қытайдағы коронавирус шектеулердің күшеюіне байланысты одан сайын төмендеді, деп хабарлайды ҚазАқпарат Reuters агенттігіне сілтеме жасап.
Сәрсенбіде Brent маркалы мұнайдың қазанда жеткізілетін фьючерстері бір баррель үшін 3,56 долларға, яғни 95,75 долларға дейін арзандады.
Бір күн бұрын бұл марканың бағасы 5,78 долларға төмендеген еді.
Бұл ретте қараша айындағы неғұрлым белсенді фьючерс 2,70 долларға немесе 2,76 пайызға төмендеп, барреліне 95,14 долларды құраған болаты.
West Texas Intermediate (WTI) америкалық мұнай фьючерстері рецессия қаупінен туындаған алдыңғы сессияда Гринвич уақыты бойынша 09:39-да (Нұр-Сұлтан уақыты бойынша 15.39) 5,37 долларға төмендегеннен кейін барреліне 2,58 доллар немесе 2,82%-ға арзандап, барреліне 89,06 долларға дейін төмендеді.
Бағаның төмендеу себептері жаһандық құлдырау қаупіне байланысты, өйткені орталық банктер пайыздық мөлшерлемені агрессивті түрде көтеріп жатыр.
Қытайдың өндірістік белсенділігі тамыз айында құлдырауын жалғастырды.
Ол COVID-19 жұқтырудың жаңа жағдайлары, соңғы онжылдықтардағы ең күшті аптап ыстық және жылжымайтын мүлік дағдарысына байланысты.
Бұл факторлар өндіріске әсер етті, бұл ел экономикасы қарқынын сақтау үшін күресуге тура келеді дегенді білдіреді.
Қытайдың Шэньчжэньнен Далянға дейінгі кейбір ірі қалалары COVID-19 індетін болдырмау үшін шектеулер енгізіп, кәсіпорындарды жауып жатыр, бұл өсу қарқынының төмендеуіне әкеледі.
Фото: reuters.com
