Референдумнан жас аналар да шет қалмады
АЛМАТЫ. KAZINFORM – Алматы перзентханаларындағы жас аналар мен жүкті әйелдер де, еліміз үшін маңызды күннен қалыс қалып жатқан жоқ.
454 босанған және жүкті әйелдер азаматтық белсенділік танытып, рефендумнан шет қалмады.
Референдум күні мегаполис перзентханаларында 43 нәресте өмір есігін ашты. Түнгі сағат 24 :00-ге дейін тағы да сәбилер дүниеге келуі мүмкін.
Жас аналар референдум - балаларымыздың болашағы үшін маңызды қадам екенін атап өтті.
Алматы қаласында барлығы 624 сайлау учаскесі жұмыс істеп жатыр. Олар 20:00-ге дейін ашық болады.
Еске салайық, бүгін қазақстандықтар атом электр станциясын салу мәселесі бойынша жалпыұлттық референдумда дауыс беріп жатыр.
Республикалық референдум бюллетенінде бір ғана сауал болады:
— Сіз Қазақстанда атом электр станциясын салуға келісесіз бе ?
Дауыс беруші жауаптың екі нұсқасының бірін таңдайды:
— «Иә, келісемін» немесе, «Жоқ, келіспеймін».
