Ресей көкпаршылары — Дүниежүзілік көшпенділер ойынының қола жүлдегері
АСТАНА. KAZINFORM — Дүниежүзілік көшпенділер ойындары аясында өтіп жатқан көкпар додасының қола жүлдегері белгілі болды.
Үшінші орынға таласу үшін алаңға шыққан Түркия және ресейлік шабандоздар тартысты ойын өткізді.
Нәтижесінде 8:2 есебімен Ресей көкпар командасы жеңіске жетті.
Келесі ойын Қазақстан және Қырғызстан көкпаршылары арасында өтеді.
Қос команда алтын жүлдені сарапқа салатын болады.
Айта кетейік, көкпар ойындарына Қазақстан, АҚШ, Ресей, Өзбекстан, Қырғызстан, Мажарстан, Қытай, Моңғолия және Түркия сынды 9 мемлекеттің спортшылары бақ сынады.
Іріктеу кезеңінде Ресей құрама командасы мен Қытай елінің көкпаршылары бақ сынап, 4:1 есебімен ресейлік шабандоздар алға шыққан болатын.
