«Ресей патриоттарына» қарсы айқасатын «Астана арландарының» құрамы белгілі болды

АСТАНА. ҚазАқпарат - Бүгін «Ресей патриоттарына» қарсы айқасатын «Астана арландарының» құрамы белгілі болды, деп хабарлайды ҚазАқпарат тілшісі.

Бүкіләлемдік бокс сериясының (WSB) жобасының жетінші маусымындағы топтық кезеңінің төртінші туры 18 наурыз күні Тараз қаласында өтеді. Бүгін екі команда арасындағы жекпе-жекке шығатын боксшылардың аты-жөні белгілі болды.

«Астана арландары» мен «Ресей патриоттары» арасындағы кездесуге қатысатын боксшылардың тізімі:

52 келі:

Олжас Сәттібаев - Вячеслав Ташкараков

60 келі:

Зәкір Сафиуллин - Артур Субханкулов

69 келі:

Асланбек Шымбергенов - Шахабас Махмудов

81 келі:

Арман Рысбек - Павел Силягин

91 келіден жоғары салмақта:

Олжас Бұқаев - Магомед Омаров

Еске салайық, бұл екі команда арасындағы Мәскеуде өткен кездесу 3:2 есебімен «арландардың» пайдасына аяқталған болатын. Егер бұл кездесуде де елордалық ұжым жеңіске жетсе, плей-офф кезеңіне жолдама алады.