Ресей Президенті мен БҰҰ Бас хатшысы Украинадағы ахуалды талқылады
АСТАНА. ҚазАқпарат - Ресей Президенті Владимир Путин мен БҰҰ Бас хатшысы Пан Ги Мун телефон арқылы Украинадағы жағдайды талқылады.
Әңгіме барысында РФ басшысы Украинаның шығыс өңірлерінде және Қырымда орыстілді халыққа қатысты күштеу іс-қимылдары ушыққан жағдайда Ресей тарапы жайбарақат тұра алмайтынын, сондай-ақ халықаралық құқық аясында қажетті шараларды қабылдайтындығын жеткізді.
Талқылау барысында тараптар Украинадағы дағдарыстың бұдан ары қарай өршуіне жол бермеу қажеттілігін атап өтті, деп хабарлайды ИТАР-ТАСС.
