Ресей тыныштық режимін жариялап, тұрғындардың шығуына гуманитарлық дәліз ашты
МӘСКЕУ. ТАСС-ҚазАқпарат – Ресей тыныштық режимін жариялап, Мариуполь мен Волноваха тұрғындарының өңірден кетуіне мүмкіндік берді. Бұл туралы журналистерге сенбі күні Ресейдің Қорғаныс министрлігі мәлім етті, деп хабарлайды ҚазАқпарат ТАСС агенттігіне сілтеме жасап.
«Бүгін, 5 наурыз күні, Мәскеу уақытымен таңғы сағат 10-нан бастап Ресей тарапы тыныштық режимін жариялайды. Мариуполь мен Волноваханың бейбіт тұрғындарының өңірден шығуына гуманитарлық дәліз ашылады», - делінген ведомство ақпаратында.
Ресейдің Қорғаныс министрлігі гуманитарлық дәліз маршруттары Украина тарапымен келісілгенін нақтылады.
