Ресейде 2 пойыз соқтығысып, 5 адам қаза тапты
АСТАНА. ҚазАқпарат - Мәскеу облысында екі пойыздың соқтығысуы салдарынан қаза тапқандардың саны 5 адамға жетті, деп хабарлады ресейлік БАҚ РФ ІІМ баспасөз қызметінің өкіліне сілтеме жасап.
Айта кетейік, Мәскеу-Кишинев бағытындағы жолаушылар пойызы мен жүк пойызы бүгін күндіз соқтығысқан болатын. «Алдын ала мәліметтер бойынша 5 адам қаза тауып, 15 адам жарақат алды», - полиция өкілі.
Дегенмен қаза тапқандар мен жарақат алғандар жайындағы ақпарат сан алуан. Мәселен, төтенше жағдай орындағы жетел штаб 5 адамның өліп, 45 адамның жарақат алғанын айтса, РФ Тергеу комитеті деректеріне сәйкес 4 адам қаза тауып, 11 адам жарақаттанған. Ал Молдавия Көлік министрлігі деректеріне сәйкес өлгендер саны - 9, жарақат алғандар - 15.
