01:48, 13 Ақпан 2013 | GMT +5
Ресейде құны 1 млн. АҚШ долларын құрайтын ерекше алмас табылды
АСТАНА. 13 ақпан. ҚазАқпарат - Айхальск кен-байыту комбинатының №14 фабрикасында салмағы 145,44 карат алмас өндірілді.

Компанияның баспасөз қызметінің хабарлауынша, бұл тас 2013 жылдың қаңтар айының соңында табылған, деп хабарлайды РБК.
Алмас «Юбилейная» түтігінің жер қойнауынан шығарылды. "АЛРОСА" компаниясының алмастарды сұрыптау орталығындағы мамандардың бағалауынша, ерекше тастың бағасы саудада шамамен 1 миллион АҚШ долларын құрайды.