Ресейде оқитын Сыр жастарының қауымдастығы құрылды
ҚЫЗЫЛОРДА. ҚазАқпарат- Кеше Қызылорда облысының делегациясы облыс әкімдігінің жолдамасымен Мәскеуде білім алып жатқан студент-жастармен кездесті. Бұл туралы ҚазАқпарат тілшісі хабарлады.
Онда жерлестеріміз студенттердің оқу үлгерімі, әлеуметтік жағдайы мен өңірге оралғаннан кейін жұмысқа орналасуы бойынша пікір алмасты.
Сонымен қатар, Мәскеу мен Санкт-Петербугте білім алушы сырбойылық жастардың қауымдастығы құрылды. Қауымдастық "Орда" деп аталады.
Ресейге сапар аясында аймақ басшысы Қырымбек Көшербаевтың 2018 жылы оқуын аяқтайтын студенттермен кездесуі және Ресейдің бірқатар жоғары теxникалық университетімен меморандумға қол қоюы жоспарланған.
