Ресейде пойыздың 8 вагоны рельстен шығып кетті: зардап шеккендер бар

АСТАНА. KAZINFORM — Ресейдің Волгоград облысында жолаушылар пойызының сегіз вагоны рельстен шығып кетті. Алдын ала мәлімет бойынша, оқиға ЖКО салдарынан болған, деп жазады ТАСС.

Жедел қызмет зардап шеккендер бар екенін хабарлады.

«Алдын ала мәлімет бойынша, ЖКО салдарынан Қазан-Адлер пойызының сегіз вагоны рельстен шығып кетті, олардың бір бөлігі аударылып қалған. Зардап шеккендер бар. Олардың нақты саны әзірге белгісіз», - деді агенттіктің сұхбаттасушысы.

Оның айтуынша, жолаушылар вагондардан өздері шыққан. Оқиға орнында барлық жедел қызмет жұмыс істеп жатыр. Зардап шеккендерге жергілікті жерде көмек көрсетіледі немесе ауруханаларға жеткізіледі.