Ресейден Қазақстанға 170 тоннадан астам фитосанитарлық сертификатсыз картоп кіргізбек болған

АСТАНА. KAZINFORM – Ресейден Қазақстанға сертификатсыз 170 тоннадан астам картоп кіргізбек болған. Бұл туралы ҚР АШМ баспасөз қызметі мәлім етті.  

«ҚР АШМ Агроөнеркәсіптік кешендегі мемлекеттік инспекция комитетінің Костанай облыстық инспекциясы Ресей Федерациясымен шекаралас аймақта орналасқан „Қайрақ“ фитосанитарлық бақылау бекетінде 18-19 қыркүйекте 12 бұзушылық анықталды», — делінген ақпаратта. 

Жүргізілген іс-шаралар нәтижесінде өсімдіктер карантині бойынша мемлекеттік инспекторлар 170,9 тонна картопты фитосанитарлық сертификатсыз әкелуді тоқтатты.

Әкімшілік хаттамалар жасалды. Картоптың барлық партиясы жіберушіге қайтарылды.