Ресейге 36 тонна қара металл өткізбек болғандардың жолы кесілді
АСТАНА. ҚазАқпарат - Өткен тәулік ішінде қазақстандық шекарашылар 36 тонна қара металл тиеп келе жатқан екі жүк машинасын ұстады, деп хабарлады ҚР ҰҚК ШҚ баспасөз қызметі.
Қостанай шекара отрядына қарасты «Қайрақ-авто» бақылау-өткізу бекетінің шекарашылары «КамАЗ» жүк көлігімен 19 тонна металды заңсыз жолмен шекара асырмақ болған 33 жастағы Қазақстан азаматын қолға түсірді.
Сондай-ақ Петропавл шекара отрядына қарасты «Жаңажол» бақылау-өткізу бекетінің шекарашылары тіркемесі бар «МАЗ» жүк көлігімен 17 тонна металл өткізуге тырысқан 50 жастағы қазақстандықтың жолын кесті.
Ұсталғандар Қазақстаннан Ресейге бара жатқан.
Аталған дерек бойынша құқыққорғау органдары хабарландырылды.
