Ресейлік мәнерлеп сырғанаушы Эстонияның азаматтығын сұрады

АСТАНА. 4 қазан. ҚазАқпарат - Ресейдің Екатеринбург қаласының мәнерлеп сырғанаушысы Александр Забоев Эстония азаматтығын сұрады. Спортшы Сочи Олимпиадасында Прибалтика елінің атынан шығады.

Қазір Забоев эстониялық мәнерлеп сырғанаушы Наталья Забиякомен бір жұпта өнер көрсетіп жүр. Спортшыға азаматтық беру жөніндегі шешімді Эстония үкіметі жыл соңында шығарады.