Ресейлік саяхатшы Тынық мұхитын жалғыз өзі кесіп өтті

АСТАНА. ҚазАқпарат - Ресейлік саяхатшы Федор Конюхов өзінің ескекпен жасаған кезекті сапарын аяқтады. Осылайша ол Австралия жағалауына жетті. Ол Тынық мұхитты бірде-бір портқа бармай және ешкімнің көмегінсіз кесіп өтті.

Конюхов бұл сапарын өткен жылдың 22 желтоқтанында Конкон (Чили) портынан бастаған, деп хабарлады ИТАР-ТАСС. Саяхатшы 17 мыңнан астам шақырымды басып өтіп, Мулулаба қалашығында (Австралияның Квинсленд штаты) тоқтады.