Ресейліктер Маңғыстаудың қасиетті жерлері туралы фильм түсіреді
АҚТАУ. ҚазАқпарат - Ресейлік саяхатшылар «Тұзбайыр тұзы» атты деректі фильм түсірді. Бұл туралы tumba.kz хабарлады.
Фильмде 2017 жылдың күзінде Маңғышлақ түбегіндегі далада жол талғамайтын көліктермен саяхат туралы айтылады. Сапарды «RED Off-road Expedition» автоклубы ұйымдастырған.
«Тұзбайыр тұзы» атты деректі фильмде Маңғыстаудың саяхатшыларды қызықтыратын ерекшеліктері, көрікті жерлері, сондай-ақ экспедицияға қатысқан қатысушылардың пікірлері келтірілген.
Айта кетейік, бұдан бұрын автоклубтың қатысушылары «RED Off-road Expedition: Әлем шөлдері. Қазақстан» деректі фильмін шығарған еді. Онда 2016 жылдың желтоқсанында қар басқан Маңғыстау облысына жасалған сапар баяндалған.
