Ресеймен арадағы шекарада 4,5 килә героинмен қазақстандық азамат ұсталды

АСТАНА.  Қыркүйектің 4-і. ҚазАқпарат -   Павлодар  облысындағы «Ұлытөбе-Авто»  шекарадағы бақылау  бөлімінің  жасақшылары   Ресейге    бара  жатқан   Қазақстан  азаматын     есірткінің  ірі партиясын  контрабандасы күдігімен     ұстады, 

деп  хабарлайды ҚР Ұлттық   қауіпсіздік комитетінің баспасөз қызметі.

Иісшіл ит ұсталған  азаматтың көлігін тінту  кезінде    құпия орын тапқан,   ол  жерден шекарашылар   героинға ұқсайтын  сұр түсті ұнтақ   зат салынған  екі   пласмасса  шөлмек    тапты.    Заттың  жалпы салмағы - 4,5 килә.    Бұл факті бойынша    тергеу  амалы  жүргізілуде.