Республика бойынша тұман түсіп, жел күшейеді – Қазгидромет
АСТАНА. KAZINFORM – «Қазгидромет» РМК-сы желтоқсанның 24-і күнгі күн райы болжамын жариялады.
Кәсіпорын таратқан деректерге қарағанда, бүгін 24 желтоқсанда циклон ойпаты және онымен байланысты атмосфералық ағындардың әсерінен елдің көп бөлігінде күн құлымалы болады. Елдің басым бөлігінде қар жауып, батысында жауын-шашын (жаңбыр, қар) болады. Республика бойынша жел күшейіп, тұман түседі, батыста көктайғақ болады.
Осыған дейін еліміздің кейбір өңірінде 35 градусқа дейін аяз болатыны хабарланды.
— Түнде ауа температурасының төмендеуі тек орталық пен шығыста 20-35 градус аязға дейін болжанады, ал қалған аумақта температуралық фонда күрт өзгерістер күтілмейді, — делінген хабарламада.
