Республикалық маңыздағы автожолдардың 5 учаскесінде көлік қозғалысына шектеу қойылды

АСТАНА. ҚазАқпарат - Сағат 19:05 ақпаратқа сәйкес еліміздің 4 өңірінде ауа-райының қолайсыздығына байланысты республикалық маңызы бар автожолдардың 5 учаскесінде қозғалыс уақытша шектелді.

Бұл туралы ҚазАқпарат Республикалық маңызы бар автомобиль жолдарының ұлттық операторына сілтеме жасап хабарлайды.

1. Абай өңірінде «Алматы-Өскемен» тасжолының Қалбатау ауылынан ШҚО шекарасына дейінгі аралығында көліктің барлық түрі үшін қозғалысқа шектеу енгізілді;

2. Ақмола облысында Щучье-Зеренді тасжолы және Атбасар қаласы мен Қажымұқан кентінің арасы жабық.

3. Шығыс Қазақстан облысында «Алматы-Өскемен» тасжолының Абай облысының шекарасынан Қасым Қайсенов кентіне дейінгі аралығында жол қозғалысына шектеу енгізілді.

4. Қарағанды облысында «Екатеринбург-Алматы» тасжолының Жұмабек ауылынан Балқаш қаласына дейінгі аралығында жүк және қоғамдық көліктердің қозғалысы шектелді.

Осыған дейін Астана мен еліміздің 16 өңірінде ауа райына баланысты ескерту жарияланғанын жаздық.