Республикалық ұлан Қолбасшысы кубогы жолындағы ІХ халықаралық турнир өтеді

АСТАНА. 21 сәуір. ҚазАқпарат - 22-23 сәуірде Астана қаласындағы «Дәулет» спорт кешенінде Қоян-қолтық ұрыстан Республикалық ұлан Қолбасшысы кубогы жолындағы ІХ халықаралық турнир өтеді,

деп хабарлады Республикалық ұлан ТжӘҚЖ бөлімі.

Турнирге Қазақстанның және алыс-жақын шетелдердің мемлекеттік күштік құрылымдар мен күзет құрылымдарының қызметкерлері қатысып, жеке және командалық есепте күш сынасады.

Қолбасшы кубогы жолындағы халықаралық турнир 22 сәуірде сағат 15.00-де басталады. Шешуші кездесулер мен турнирдің жабылуы 23 сәуірде таңертеңнен бастап болады.