Республикамыздың басым аумағында суық ауа райы сақталады - Қазгидромет
АСТАНА. ҚазАқпарат - Қазақстанның басым бөлігінде 21 мамыр күні ауа райы құбылмалы болады, кейбір аймақтарда жауын-шашын болып, тұман түседі, жел күшейеді. Ал еліміздің солтүстік аймағында түнде суық ауа райы сақталады. Бұл туралы Қазгидрометке сілтеме жасап, ҚР ТЖМ баспасөз қызметінен хабарлады.
Тек батыс пен оңтүстік-батыс аймақтарда ауа райы жауын-шашынсыз болып келеді. Ақмола, Алматы, Павлодар, Қарағанды, Шығыс Қазақстан, Солтүстік Қазақстан, Қостанай, таңертең және күндіз Маңғыстау облыстарында желдің күші 15-20 м/с-қа дейін барады.
Жамбыл облысында желдің күші 18-23 м/с болып, шаңды дауыл соғады.
Солтүстік Қазақстан, Қарағанды, Ақмола, Қостанай, Павлодар, Шығыс Қазақстан облыстарында суық ауа райы сақталып, түнде 0-5 градусқа дейін төмендейді.
