Республиканың бірқатар аймақтарында жел күшейеді деп күтілуде - 16 шілдеге арналған ауа райы болжамы
АСТАНА. 15 шілде. ҚазАқпарат - ҚР Қоршаған ортаны қорғау министрлігі «Қазгидромет» РМК мәліметтері бойынша, Қазақстан аумағының басым бөлігінде ауа райының тұрақсыздығы сақталады.
Кей жерлерде найзағай жарқылдап, жаңбыр жауады, бұршақ жауып, ұйытқыған жел соғуы мүмкін, тек республиканың батысында және оңтүстігінде жауын-шашынсыз ауа райы күтілуде.
Ақмола, Қостанай облыстарында кей жерлерде жел 15-20 м/с-қа күшейеді деп күтілуде, түнде кей жерлерде тұман түседі.
Павлодар, Қарағанды облыстарында кей жерлерде жел 15-20 м/с-қа күшейеді деп күтілуде, бұршақ жаууы мүмкін. Алматы, Солтүстік Қазақстан, Шығыс Қазақстан облыстарында кей жерлерде жел 15-20 м/с-қа күшейеді деп күтілуде.
Атырау облысында, Маңғыстау, Батыс Қазақстан облыстарының кей жерлерінде қатты ыстық болады деп күтілуде.
Республиканың солтүстік-батысында, батысында, оңтүстігінде, оңтүстік-шығысында және орталығының кей жерлерінде төтенше жоғары өрт қаупі сақталады.
Жақын тәуліктерде республиканың оңтүстігі, оңтүстік-шығысы және шығысы өзендерінің көпшілігінде су деңгейінің тұрақсыздығы байқалады. Қазақстанның жазық аумағының өзендерінде гидрологиялық тәртіпте айтарлықтай өзгерістер күтілмейді.
