Республиканың орталығында шығысы мен солтүстігінде күн күрт салқындайды, екі облыста үскірік жүреді - Қазгидромет
АСТАНА. 17 қыркүйек. ҚазАқпарат - Қазақстан Республикасы Қоршаған ортаны қорғау министрлігінің «Қазгидромет» РМК-ның мәліметтерінше, 19-20 қыркүйек күндері Ақмола, Солтүстік Қазақстан, Қостанай, Қарағанды облыстарында,
20 қыркүйекте Павлодар облысында ауа температурасының түнде 1-6 градусқа дейін, күндіз 8-13 градусқа дейін төмендеуі күтіледі, кейбір жерлерде 18 градус жылы болады.
Ақмола, Солтүстік Қазақстан облыстарында 19 қыркүйек күні, 20 қыркүйек күні күндіз желдің 15-20 м/сек жылдамдықпен соғуы, жел екпінінің 25 м/сек дейін күшеюі күтілуде.
20 қыркүйек күні түнде Ақтөбе, Қостанай облыстарында кейбір жерлерде 0-2 градусқа дейін күн суытады.
