Республиканың пенитенциярлық жүйе мекемелерінде «Құқық тәртібі» операциясы басталды
АСТАНА. Тамыздың 25-і. ҚазАқпарат /Ғалымжан Хасенов/ - Тамыздың 25-і мен қыркүйектің 5-і аралығында республиканың қылмыстық-атқару жүйесінің барлық мекемелерінде «Құқық тәртібі» операциясы өтеді,
деп хабарлады Әділет министрлігінің Қылмыстық-атқару жүйесі комитетінен.
Бұл шараның мақсаты - мекемелердегі жедел жағдайды сауықтыру, сотталғандардың арасындағы құқық бұзушылықтар мен қылмыстық оқиғалардың алдын алу, сондай-ақ түзету мекемелеріне тыйым салынған заттарды, оның ішінде есірткі заттарын өткізу арналарын жою болып табылады.
Қылмыстық-атқару жүйесінің жеке құрамы «Құқық тәртібі» операциясы барысында күшейтілген жұмыс режиміне ауыстырылып отыр.
