РФ Алтай Республикасында Robinson тікұшағы апатты жағдайда қонды

АСТАНА. ҚазАқпарат - Сейсенбі күні Robinson-66 тікұшағы Алтай Республикасының Қосағаш елді мекенінде апатты жағдайда қонды. Оның ішінде болған төрт адамның барлығы аман, деп хабарлады ТАСС Батыс-сібір көлік прокуратурасының баспасөз қызметіне сілтеме жасай отырып.

Белгілі болған жедел ақпарат бойынша, оқиға жергілікті уақыт бойынша сағат 11:20-да орын алған. Тікұшақтың бортында әуе кемесінің командирі және үш жолаушы болған.

Тікұшаққа қозғалтқышындағы қуаттылықтың төмендеуіне байланысты мәжбүрлі жағдайда қонуға тура келген. Барнаул көлік прокуратурасы аталған факті бойынша тексеру жүргізіп жатыр.