РФ СІМ: 6 мыңнан астам ресейлік азамат шет елдерде бас бостандығынан айырылды

АСТАНА. 15 ақпан. ҚазАқпарат - Алты мыңнан астам ресейлік азамат шетелдік мемлекеттердің бостандықтан айыру орындарында қамауда отыр.

Бұл туралы брифинг барысында РФ СІМ-нің ресми өкілі Александр Лукашевич мәлімдеді, деп хабарлайды Росбалт.

«Біздің консульдық қызметіміздің мәліметтерінше, шетелдік мемлекеттердің аумағында алты мыңнан астам ресейлік азамат жазасын өтеуде, түрмеге отырғызылды, қамауға алынды немесе ұсталды», - деді ол.

Дипломаттың айтуынша, ресейлік сыртқы саяси ведомствоның консульдық департаменті қазіргі кезде 2013 жылы барлық шетелдік мекемелерден келіп түскен есеп берулерді тексере отырып, статистикалық мәліметтердің өңделуін жүргізуде.