РИА Новости Қазақстандағы сайлаудың ашықтығы туралы мақала жариялады
АСТАНА. ҚазАқпарат - «Түркітілдес елдер Парламенттік ассамблеясы байқаушыларының айтуынша, Қазақстандағы сайлау ашық өтті» деген тақырыпта ресейлік РИА Новости халықаралық ақпарат агенттігі мақала жариялады.
Онда Түркітілдес елдер Парламенттік ассамблеясының байқаушылар миссиясының басшысы Халук Ипектің, «сайлау ешқандай қысымсыз, ашық, халықаралық талаптарға сай және жария түрде жүргізілді» деген сөзінен үзінді келтірілген. Сонымен қатар, мақалада Экзит-пол мәліметі бойынша, Парламентке «Нұр Отан» партиясынан өзге қажетті 7%-дан артық дауыс жинаған «Ақ жол» және Қазақстан коммунистік халық партиясы кіретіні айтылған, деп жазады 24.kz.
