Рыбакинаның Токио турнирінде қанша сыйақы алғаны белгілі болды
АСТАНА. KAZINFORM – Қазақстандық теннисші, әлемнің бірінші ракеткасы Елена Рыбакина Жапонияның Токио қаласында өткен WTA 500 турнирінде ширек финалға шыққаны үшін 33 475 доллар (шамамен 15 миллион теңге) табыс тапты, деп хабарлайды INFORMSPORTS.
Ол жарақатына байланысты канадалық Лейла Фернандеске қарсы матч алдында жарыстан бас тартқанымен, бұған дейін отандасы Юлия Путинцеваны жеңгені үшін осындай сыйақы мен 108 рейтингілік ұпайға ие болды.
Бұл турнирдегі жалғыз жеңіс Еленаға мансабында алғаш рет маусымды әлемнің бірінші ракеткасы мәртебесінде аяқтауға ресми түрде кепілдік берді.
Еске сала кетейік, бұған дейін Рыбакина Токиодағы турнирде Путинцеваны жеңіп, ширек финалға шыққанын хабарлаған едік.
