Рига мен Алматының арасында тікелей әуе рейсі ашылады
АСТАНА. ҚазАқпарат - Алматы мен Рига (Латвия) қалаларының арасында тікелей әуе рейсі ашылады, деп хабарлайды ҚазАқпарат Азаматтық авиация комитетіне сілтеме жасап.
«Қазақстан Республикасының авиация билігі «Air Baltic» әуе компаниясына шетелдік әуе тасымалдаушы аккредитациясы туралы куәлікті табыс етті. Осылайша, бекітілген кестеге сәйкес, «Air Baltic» осы жылдың 29 сәуірінен бастап Рига - Алматы бағыты бойынша аптасына үш рет ұшатын болады. Тұрақты әуе рейстері Bombardier CS300 ұшағымен орындады», - деп жазды комитет Фейсбуктегі парақшасында.
