Рим Папасы Қазақстанда су тасқынынан зардап шеккендер үшін дұға етуге шақырды

АСТАНА. KAZINFORM – Рим Папасы Франциск өзінің жалпы ауденциясы кезінде Орталық Азия елдерінің көптеген аймақтарына әсер еткен және мыңдаған адамды эвакуациялануға мәжбүр еткен Қазақстандағы жаппай су тасқынынан зардап шеккендер үшін дұға етуге шақырды.

Сонымен бірге, Рим Папасы Украина мен Мьянмадағы қақтығыстардан зардап шеккендер үшін тілек тілеуді сұраған. 

«Мен дәл осы уақытта Қазақстан халқына рухани жақын екенімді білдіргім келеді», - деп атап өтті Рим Папасы Франциск ағылшын діндарларын ресми қабылдау кезінде.

Ол 2022 жылдың қыркүйек айында Қазақстанға барғанын, қазір бұл елдің көптеген аймақтарына әсер еткен ауқымды су тасқыны болғанын еске салды.

«Мен баршаны осы табиғи апаттың салдарынан зардап шеккендердің барлығына дұға етуге шақырамын», - деді ол.

Айта кетейік, Қазақстанда су тасқыны басталғалы бері 97 071 адам эвакуацияланды.

Ресейдің Орынбор қаласында Жайық өзеніндегі су деңгейі қауіпті деңгейге жақындап, 897 см-ге жеткен. 

Су басу қаупі бар аймақта жүрген адамдардың барлығы дереу эвакуациялануға шақырылды.