Рим Папасы: Соғыста жеңімпаздар болмайды
АСТАНА. KAZINFORM – Бүгін Рим Папасы Лев XIV бейбітшілік пен «халықаралық құқықты сыйлауға» шақырды, деп хабарлайды Kazinform меншікті тілшісі Ватиканға сілтеме жасап.
Папа Лев XIV Папа Францисктің сөзін қайталап, соғыста жеңімпаздардың болмайтынын айтты.
Понтифик заманауи қару-жарақтан болатын «аюандықтың» соғысушы тараптарды «бұрынғыдан бетер жабайылыққа» итермелеуі мүмкін екенін ескертті.
Папа Лев XIV әлем көшбасшыларына соғыста жеңімпаздар болмайтынын, «жоғалатын дүниенің бәрі бейбіт күнде емес, соғыста жоғалатынын» еске салды.
-Украина, Иран, Израиль мен Газа сияқты соғыс жүріп жатқан жерлерден жеткен дауыстан шіркеудің жүрегі қарс айрылады, - деді Папа Лев сәрсенбі күні.
Апта сайынғы бас ауденцияда Рим Папасы: «Біз ешқашан да соғысқа төзімді болмауымыз керек», оның орнына «қуатты да күрделі қарудың тартымдылығына тосқауыл болуымыз керек»,- деді.
Ол сонымен қатар Екінші дүниежүзілік соғыс кезінде Шіркеуді басқарған Папа Пия XII-нің сөзін еске алып: «Бейбіт күнде ештеңе де жоғалмайды, бәрі соғыста құриды»,-деді.
Сол себепті де ол жауапты адамдарға адами құндылықтар мен халықаралық құқық үшін Папа Франциск пен Пия XII-нің айтқандарын қайталап отырғанын жеткізді.
Осыған дейін Папа Лев XIV Газа секторындағы гуманитарлық ахуалға алаңдаушылық білдіріп, әскери әрекеттерді тоқтатып, аймаққа шұғыл түрде гуманитарлық көмекті кіргізу қажеттігін атап өткен болатын.
