Рио-де-Жанейро Олимпиадасының эмблемасы жұртшылыққа Жаңа жылға екі сағат қалғанда таныстырылады
АСТАНА. 31 желтоқсан. ҚазАқпарат - 2016 жылғы Олимпиада ойындарының эмблемасы қоғам өкілдеріне алғаш рет 31 желтоқсанда көрсетіледі. Бұл туралы әлемдік спорт басылымдары хабарлап отыр, деп жазады Утро.ру.
Журналистердің хабарлауынша, Жаңа жылға екі сағат қалғанда Копакабана жағажайында Олимпиада логотипінің ресми түрде тұсаукесері өткізіледі. Салтанатты шараға Халықаралық олимпиада комитетінің мүшелері мен Рио-де-Жанейро билік басшылары қатысады. 2016 жылғы жазғы олимпиада ойындары Бразилия тарихында тұңғыш рет өткізілгелі отыр.
