Робот-самурай қылышпен адамнан да күшті айқасады
АСТАНА. ҚазАқпарат - Жапондық Yaskawa Electric Corporation компаниясы қылыштасуды үйренген өнеркәсіптік роботтың мүмкіндіктерін көрсететін видеоны желіге салып, жүзжылдық мерейтойын атап өтті, деп жазады The Independent газеті.
Машина қылыштасу өнерінің шебері әлемдік рекорд орнатқан Исао Матиге (Isao Machii) қарағанда, қамыспен оралған бамбук бағанын мыңдаған соққымен әп-сәтте бөлшектеп тастады.
Робот тәсілдерді дұрыс орындау үшін инженерлер motion capture технологиясының көмегімен Матидің іс-әрекетін көшіріп алған.
Исао Мати соққы жасау үшін қылышты қынабынан жылдам суыру техникасын жетілдіруге негізделген иайдо шебері ретінде танымал. Матидің жетістіктері бірнеше рет Гиннестің рекордтар кітабына енген.
