Робот-сүңгуір қайық өзендерді қоқыстан тазартып жатыр

АСТАНА.  15 қазан. ҚазАқпарат - АҚШ-та »Розалия» жобасы күш алып келеді. Оның мақсаты -  роботталған сүңгуір қайықтардың көмегімен ірі өзендерді тазарту.  

«Әрине, біздің шағын қайықтар өзеннің бар қоқысын тазарта алмайды, дегенмен бейнекамераның көмегімен  тұрғындарды өзен түбінде  не жатқанын, ондағы өмір сүріп жатқан  тіршілік иелері жайлы хабардар етпекпіз. Бұл жұртшылық тарапынан қызығушылық туғызады деген сенімдеміз», -дейді жобаның үйлестірушісі Рэйчел Миллер.

Осы аптада арнайы көтергіші бар робот-сүңгуір қайық Чикагода жұмыс істеуде. Сыртқа шығарылған қалдықтардың басым бөлігі сыра қалбырпары мен ау құралдары болып отыр.  Бір қызығы, бағалы заттар да кездесіп қалады. Олардың арасында 1800 жылғы спирт құйылған құмыра, АҚШ-тың әскерй кораблінің якоры бар.