Роналду мен Моуринью салықтан жалтарғандарын мойындаған жоқ
Football Leaks нұсқасы бойынша, Роналду өзінің агенті Жорж Мендештің сызбасы бойынша Швейцария мен Британияның Виргин аралдарында орналасқан офшорлар арқылы 150 млн. еуро сомасында салықтан жалтарған. Сондай-ақ осындай сызба бойынша салық төлеуден бой тасалағаны үшін Мендештің өзге клиенті - "Манчестер Юнайтед" ағылшын клубының бас бапкері португалиялық Жозе Моуриньо да айыпталып отыр. Футболшылардан осындай алаяқтық жасады деген айып: неміс Месит Озилге, португалиялықтар Пепе және Рикарду Карвальюға, сондай-ақ колумбиялық Хамес Родригес пен Радамель Фалькаоға тағылып отыр.
«Жеті айлық тыңғылықты тексерістен соң біз, Der Spiegel мен EIC, Sunday Times және Expresso-мен (Португалия) біріге отырып, материалдарды жариялай бастадық. Қызық болады. Демалыстарыңыз сәтті өтсін», - деп жазады басылым.
Ал португалиялық футболшының агенті Мендеш мен танымал бапкер Моуриньо мұны алаяқтыққа теңеп, заңбұзушылыққа бой алдырмағандарын айтуда.
«Хабар 24» арнасы.