Рой Джонстың келесі жекпе-жегі Қазақстанда өтуі мүмкін
АСТАНА. 23 желтоқсан. ҚазАқпарат - ММА жұлдызы Андерсон Силва мен бокс саңлағы Рой Джонстың жекпе-жегі Қазақстанда ұйымдастырылуы мүмкін.
Владимир Хрюнов «Совет спортына» берген сұхбатында жақында UFC президенті Дэйн Уайтпен кездесетінін мәлім етті. Кездесу барысында ММА ең үздік спортшысы Андерсон Силва мен әйгілі боксшы кіші Рой Джонс арасындағы жекпе-жек талқыланады.
Хрюновтың айтуынша, кездесу Қазақстанда өтуі әбден мүмкін. Өйткені, Қазақстан тарапы мұндай айтулы шоуды елімізде өткізуге мүдделі болып отырған көрінеді. Жекпе-жек бокс ережелері бойынша өтеді, дейді ұйымдастырушылар. Бұл екі спортшы кездесу өткізгісі келетінін бірнеше рет жариялаған болатын, деп хабарлады Baq.kz.
