Рудныйда 700-ден астам тұтынушы газсыз қалды

Газ
Фото: Виктор Федюнин

Апат газ тарату құбырында мұз кептелуінен болған. Қазіргі уақытта қалпына келтіру жұмыстары аяқталды, деп хабарлайды Kazinform.

Рудныйда 11 жер үй мен көпқабатты тұрғын үйлердегі 720 пәтер газсыз қалған. «ҚазТрансГаз Аймақ» АҚ Қостанай өндірістік филиалы баспасөз қызметінің хабарлауынша, апат салдары сағат 18:00-де жойылып, барлық тұтынушы қайта газға қосылды.

- Апат шығуына газ тарату құбырында мұз кептелуі себеп болған. Нысан Рудный қаласы әкімдігі құрылыс бөлімінің теңгерімінде. Қалпына келтіру жұмыстарын мердігер ұйым мен жергілікті атқарушы органдардың 12 адамы жүргізді, - делінген ақпаратта.

Сондай-ақ ведомство өкілдері нысанның «ҚазТрансГаз Аймақ» АҚ Қостанай өндірістік филиалының балансында еместігін мәлім етті.

Соңғы жаңалықтар
telegram