Рудныйда «Камаз» бен жеңіл көлік соқтығысты

ҚОСТАНАЙ. ҚазАқпарат - Қостанайда жүк көлігі мен жеңіл автокөлік соқтығысты, деп хабарлайды ҚазАқпарат тілшісі.

Жол-көлік оқиғасы туралы куәгерлер әлеуметтік желілерде жазды. «Қостанай-Рудный» тасжолында «Volkswagen» мен «Камаз» соқтығысқан.

«31 жастағы Рудный қаласының тұрғыны «Volkswagen» көлігімен келе жатып, рөлге ие бола алмай қалды. Ол қарсы келе жатқан «Камаз» жүк көлігін соқты. Оның рөлінде 47 жастағы ер адам отырған», - деп хабарлады ІІД баспасөз хатшысы Ирина Беженарь.

Жол-көлік апаты салдарынан жеңіл көлікте болған 7 жасар бала ауыр дене жарақаттарын алды. Ол қазір қалалық аурухананың жансақтау бөліміне көшірілді.