Рудныйда пышақталған 28 жастағы жігіт ауруханада қайтыс болды
ҚОСТАНАЙ. ҚазАқпарат - Рудныйдың 28 жастағы тұрғыны пышақ жарақатынан ауруханада қайтыс болды. Облыстық ІІД осы факті бойынша пікір білдірді, деп хабарлайды ҚазАқпарат тілшісі.
Осы мәселеге қатысты таратылған мәліметтерге қарағанда, 28 жастағы жігіт ауыр халде жергілікті ауруханаға жеткізілген.
«Ол жансақтау бөлімінде қайтыс болды. Осы дерек бойынша «Адам өлтіру» бабына сәйкес сотқа дейінгі тергеп-тексеру амалдары жүріп жатыр. Пышақ салған адамға іздеу салынды», - деп мәлімдеді ІІД өкілдері.
