Рүстем Ибраев әлемдік Гран при жарысында алтын иеленді
АСТАНА. ҚазАқпарат - Осы күндері Әзербайжанның Баку қаласында өтіп жатқан дзюдодан әлемдік Гран при («Grand Slam») жарысы Қазақстан палуандары үшін сәтті басталды.
8 мамыр күні 60 келі салмақта күрескен Рүстем Ибраев барлық қарсыластарын айқын басымдықпен жеңіп, бас жүлдені иеленді. Ол финалда француздық палуан Винсент Лимарды базари әдісімен тізе бүктірді.
Бұл доданы қазақстандық көрермендер «Қазспорт» телеарнасынан тікелей эфирде көрді.
Жарыс бүгін жалғасатын болады. Қазақстан тарапынан оған 9 спортшы қатысуда.
