С.Ахметов «жасыл» экономикаға көшу тұжырымдамасын жемісті жүзеге асыру үшін іс-шаралар жоспарын әзірлеуді тапсырды

АСТАНА. 4 маусым. ҚазАқпарат - Бүгін Үкімет отырысында ҚР Премьер-Министрі Серік Ахметов еліміздің Қоршаған ортаны қорғау министрлігіне «жасыл» экономикаға көшу тұжырымдамасын жемісті жүзеге асыру үшін іс-шаралар жоспарын әзірлеуді тапсырды.

Өз сөзінде «жасыл» экономикаға көшудің жаңа тұжырымдасын Мемлекет басшысы бекіткендігін атап өткен С.Ахметов: «Тұжырымдаманы жемісті жүзеге асыру үшін іс-шаралар жоспары қажет. Сондықтан Қоршаған ортаны қорғау министрлігіне екі апталық мерзімде оны әзірлеп, Үкімет қарауына енгізуді тапсырамын. Ол нақты, түсінікті сипатта болуы тиіс»,- деді.

Сонымен қатар Үкімет басшысы тұжырымдаманың негізгі ұстанымдары табиғи ресурстарды пайдалануды оңтайландыруға, экожүйені тимді басқаруға, «таза» технологияларды кеңінен енгізуге, энергияның жаңаратын көздерін дамытуға, халық арасында экологиялық мәдениетті қалыптастыруға бағытталғанын баса айтты.