С. Ахметов жыл соңына дейін ҚР аумағын ұйымдастырудың бас сызбасын бекітуді тапсырды
АСТАНА. 19 желтоқсан. ҚазАқпарат - Бүгін ҚР Үкіметі Қазақстан Республикасының аумағын ұйымдастырудың бас схемасы негізгі тәртібін бекіту туралы қаулы жобасын мақұлдады.
Министрлер кабинетінің отырысында Премьер-Министр Серік Ахметов аталған құжат екі жылдың ішінде тыңғылықты талқылаудан өткенін және барлық тиісті органдармен келісілгенін жеткізді.
«Өңірлік даму министрлігі биылдың соңына дейін Аумақты ұйымдастырудың бас сызбасын бекітуі тиіс», - деп тапсырды Үкімет басшысы.
Бас схема - Қазақстанның 2030 жылға дейінгі аумақты дамыту стратегиясын анықтайтын негізгі қала құрылысы құжаты болып табылады.
