С. Сәпиевке «Спорт бойынша ЮНЕСКО-ның ізгі ниет елшісі» мандаты табысталды
АСТАНА. 24 тамыз. ҚазАқпарат - Бүгін елордадағы Қазмедиа орталығында 2012 жылғы Олимпиада чемпионы, Қазақстан Республикасының танымал боксшысы Серік Сәпиевке «Спорт бойынша ЮНЕСКО-ның ізгі ниет елшісі» құрметті атағын табыстау шарасы өтті. Спортшыға аталған мандатты ЮНЕСКО бас хатшысы Ирина Бокова табыс етті.
Айта кетейік, жалпы бұған дейін «UNESCO Champion for Sport» атағын әйгілі автошабондоз Михаэль Шумахер, футболшы Эдсон Арантис ду Насименту ( Пеле) мен Оскар Табарес, дзюдошы Давид Дуйе, жеңіл атлет Сергей Бубка, Виргилиус Алекна, Вероника Кэмпбелл-Браун, хоккейші Вячеслав Фетисов, ағайынды боксшылар Виталий және Владимир Кличко, теннисші Жюстин Энен, сумошы Хакухо Сё, жағажай волейболының шебері Жаклин Силва иеленген болатын.
