Саблямен семсерлесуден Гран-при турнирі: Қазақстан сапында кімдер бақ сынайды

АСТАНА. KAZINFORM – Саблямен семсерлесуден Сеулде (Оңтүстік Корея) өтетін Гран-при турниріне қатысатын Қазақстан ерлер құрамасының алдын ала тізімі жарияланды. 

Ұлттық олимпиадалық комитеттің мәліметінше, ауқымды халықаралық жарыста еліміздің намысын 3 спортшы қорғайды. Құрам сапына Артём Саркисян, Бақдәулет Құралбекұлы және Қуаныш Ерғашбай енген. 

Айта кетерлігі, құрамның соңғы нұсқасында өзгерістер болуы мүмкін. 

Гран-при турнирі 2-4 мамыр аралығында өтеді. 

Еске салсақ, бұған дейін спорттық гимнастикадан әлем кубогында қазақстандық үш спортшы финалға шыққанын жазған едік.