Садақ атудан Қытайдың Шанхай қаласында әлем кубогы басталды

АСТАНА. KAZINFORM – Қытайдың шанхай қаласында садақ атудан әлем кубогының алғашқы кезеңі басталды.

Аталған дода 28 сәуірде мәресіне жетеді.

Айтулы жарыста Париж Олимпиадасының лицензиясын жеңіп алған Ильфат Абдуллин, 

Дәулеткелді Жаңбырбай және Александр Еременко да бақ сынайды.

Жалпы әлемдік додаға Қазақстан сапынан 16 спортшы қатысады. 

Олар: 

Классикалық садақ ату:

Ерлер: Ильфат Абдуллин, Дәулеткелді Жаңбырбай, Әлихан Мұстафин, Александр Еременко; 

Әйелдер: Алина Ілиясова, Гаухар Игібаева, Диана Тұрсынбек, Алуа Мұхтарханова; 

Блоктық садақ ату:

Ерлер: Сергей Христич, Ақбарәлі Қарабаев, Андрей Тютюн, Бунед Мырзаметов; 

Әйелдер: Адель Жексенбинова, Виктория Лян, Эльмира Раисова, Айжан Сейдахметова.