Салық және кедендік берешегі бар тұлғалардың тізімі жарияланды

АСТАНА. KAZINFORM – Мемлекеттік кірістер комитеті 2025 жылғы 1 қазанға дейін салық және кедендік міндеттемелер бойынша берешегі бар тұлғалардың тізімін жариялады. 

2025 жылғы 1 қазандағы жағдай бойынша кедендік төлем, салық, демпингке қарсы арнайы өтемақы бажы, өсімпұл мен пайыз бойынша берешегі пайда болған күннен бастап 4 ай ішінде өтемегендер – 1 361 субъект;

2025 жылғы 1 қазандағы жағдай бойынша берешегі пайда болған күннен бастап 4 ай ішінде өтемеген, 10 АЕК-тен асатын салық берешегі бар жеке кәсіпкерлер мен жеке практикамен айналысатын тұлғалар – 18 809 субъект.

2025 жылғы 1 қазандағы жағдай бойынша берешегі пайда болған күннен бастап 4 ай ішінде өтемеген, 150 АЕК-тен асатын салық берешегі бар заңды тұлғалар мен олардың құрылымдық бөлімшелері – 16 173 субъект.

Айта кетейік, қазақстандықтар берешегінің бар-жоғын Мемлекеттік кірістер комитетінің ресми сайты арқылы тексере алады.

Еске салайық, 6 млн теңгеге дейін берешегі бар салық төлеушілер мерзімін кейінге қалдырып немесе бөліп төлей алады.