Салмағы екі тонналық Эрта - әлемдегі ең үлкен айналмалы глобус (ФОТО)
АСТАНА. ҚазАқпарат - Эрта ("Eartha") деп аталатын әлемдегі ең үлкен айналмалы глобус картографиялық өнімдерді шығаратын DeLorme компаниясының бас кеңсесінде орналасқан.
Глобус Американың Мэн штатындағы Ярмут қаласында, Портлендтен солтүстікке қарай шамамен 15 минуттық жол жерде орналасқан. Алып Жер шарының диаметрі 12.5 метр, салмағы - 2,5 тонна.
1999 жылы Гиннес әлемдік рекордтар кітабы оның глобустардың ішінде ең үлкені екенін растады. Бұған дейінгі рекорд орнатушы итальяндық Пезарода орналасқан Әлемнің Жер шары еді - бірақ оның көлемі 9 футқа кіші болған. Жер шары үш қабатты шыны атриумына орналастырылған.
Эрта глобусы 1998 жылы ұсынылып, екі жылдың ішінде салынды.
