«Самара-Шымкент» автожолындағы ақауларды жою жұмыстары басталды

ТҮРКІСТАН. KAZINFORM-Республикалық маңызы бар М-32 «Самара-Шымкент» автомобиль жолының Төрткүл және Спатаев елді мекеніндегі жол төсемесінде пайда болған ақауларды жою жұмыстары басталды.

Бүгінде жол жөндеу жұмыстарына 10 адам, 5 техника жұмылдырылған. Жалпы ұзындығы 5 шақырым болатын жол төсемесінде пайда болған ақаулар толығымен ретке келтіріледі. 

«Күн райы жылы болып тұрса бірінші сәуірге дейін жол жөндеу жұмыстарын толық аяқтаймыз. «Самара-Шымкент» республикалық автожолы еліміздегі ең ұзын жолдардың қатарына жатады. Тасжол еліміздің бірнеше өңірінен өтеді. Автотрассаның жалпы ұзындығы - 2010 шақырым»-делінген «ҚазАвтоЖол» ҰК АҚ Түркістан облыстық филиалының баспасөз қызметі таратқан ақпаратта.