Саммит кезінде астаналық жедел жәрдем мен ауруханалар бұрынғыдай жұмыс істейді
АСТАНА. KAZINFORM — 3-4 шілдеде Астанада Шанхай Ынтымақтастық Ұйымының саммиті өтеді. Бұл күндері жедел медициналық жәрдем станциясы, емханалар мен ауруханалар штаттық режимде жұмыс істейді.
Қалалық стационарлар бұрынғыдай қала тұрғындарын тәулік бойы қабылдайды.
Резервтік бейінді палаталарды бөлу арқылы шұғыл медициналық көмек көрсетуге толық дайындық қамтамасыз етілді.
Емханалар да әдеттегідей жұмыс істейді: алғашқы медициналық-санитарлық көмек ұйымдары таңғы 8:00–ден 20:00–ге дейін, активтер мен қоңырау қабылдау 8:00–ден 16:00–ге дейін жұмыс істейді.
Жедел медициналық жәрдем пациенттерге көмек көрсетудің қолжетімділігі мен жеделдігін қамтамасыз ете отырып, жұмысы 24/7 жүзеге асады.
