Samsung әлемдегі ұялы телефондар нарығында алғаш рет көшбасшы болды

АСТАНА. 14 қараша. ҚазАқпарат - Оңтүстік Корея компаниясы алғашқы рет әлемдегі ұялы телефондар нарығында көшбасшы болды, деп хабарлайды «Ренхап» агенттігі Strategy Analytics зерттеу фирмасының мәліметтеріне сілтеме жасап.

Жалпы алғанда, компания 2013 жылдың үшінші тоқсанында Солтүстік Америкада, Еуропа, Азия, Африка және Таяу Шығыста 120 млн. ұялы телефонды жеткізді. Бұл 2012 жылдың сәйкес кезеңімен салыстырғанда 16,6%-ға жоғары.

Әлемдік нарықтағы Samsung үлесі үшінші тоқсанда рекордтық 28,7%-ды құрады. Компания Nokia, Apple және LG Electronics-ке қарағанда көбірек ұялы телефон жеткізді, деп жазады «Газета.Ru».